47 år med Knut
Knut var 22 år då han overtok Fausko i 1977
…
Knut var 22 år då han overtok Fausko i 1977
Den tida rådde optimismen i landbruket. Det husdyrbaserte landbruket var enno hovudnæringa i Hemsedal, den gongen med over 120 mjølkeprodusentar i bygda. Som nyutdanna agronom sette Knut i gang med vidareutvikling av garden, utviding av fjøset, nytt reidskapshus. Og nydyrking heime på garden, Fauskoslåtta i Røggelia og i Ytreskogane, tilsaman over 50 mål nydyrka jord. På 1980 talet vart idear om økologisk gardsdrift utforma, med fokus på agronomi og vekstskife med gras, korn, grønfor, potet og grønsaker. Saman med Hege vart økoideane vidareutvikla. Norsk
raudt fe vart skifta ut med gamle norske kurasar, og etterkvart hadde Fausko den største
kubesetningen i landet med reinrasa Veslandsk Fjordfe. Husdyrdrifta kom i fokus og
agronomien vart forenkla til hovudsakleg engdyrking. Driftsopplegget vart tilpassa optimal
utnytting av utmarksbeiter, og garden hadde to stølar i bruk for mjølkeproduksjon, både på
heimstølen på Muren og på langstølen i Vabuleino. Dette handla i praksis å nytte gardens
ressursar som i tidlegare tider. Husdyrdrifta vart avvikla i 2006, og etter det har jorda på
garden vorte leigd ut.
Tidleg på 1990 talet vart den gamle Skysstasjonen frå 1870 restaurert. Her starta ein ny
epoke i gardens historie som gjestegard. Etterkvart vart det bygd nye gjestehus og delar av
gardens bygningsmasse vart bygd om. Nokre år etter at husdyrdrifta vart avvikla, vart Låven
gjort om til konsert og arrangementslåve. Seinare vart også Fjøset bygd om til møte og
serveringslokale. Saman med ein flott utearena vart Fausko utvikla ein allsidig og innhaldsrik
gjestegard. Dei økologiske ideane har vorte vidareført med sol og bioenergianlegg som
dekker store delar av gardens samla energibehov.
Subtitle
title
I tillegg til å nytte gjestehusa for feriegjester, har Fausko Gjestegard sidan 1990 talet vore ein
attraktiv arrangementsgard for store og små arrangement, konferansar, kurs og møter. Mang
ein delegasjon frå bedrifter, næringsorganisasjonar og frå det offentlege som styrer med
innovasjon og næringsutvikling har vore innom på Fausko for å sjå og lære og å ta del i Knut
sine erfaringar. Gjennom desse åra har Fausko vore vertskap for meir enn 250 bryllup.
Bryllupsdrifta har toppa seg etter at Låven vart istandsett. Sidan 2018 har Knut Fausko og
Jeanette Bruun vore eit solid radarpar til å styre bryllupsgarden.
I perioden 2010 – 2022 på seinsommaren arrangerte Fausko folkemusikk og
folkrockfestivalen «Fauskivalen». Den største reindyrka musikkfestivalen i Hallingdal denne
perioden, med fleire scener i drift, inne og ute. Samla vart det gjennomført rundt 150
konsertar der om lag 700 unike artistar medverka. Dei største utekonsertane samla 1500
folk. Norsk Kulturråd støtta festivalen.
I tillegg har det gjennom åra vore ei rekkje kultur og musikkarrangement. På garden har det
heile tida vore lagt vekt på formidling av gardshistorie og kulturarv og kulturopplevingar med
folkemusikken, segn og historier, fjellvandring og ikkje minst matopplevingar med
utgangspunkt i lokale mattradisjonar og bruk av fjellheimens råvarer. Kulturprogramma med
Knut på hardingfela og far Ola som kunne trollbinde sitt publikum med forteljingar, viser og
deklamering av Fanitullen har festa seg som minnerike opplevingar for mange gjester på
Fausko. Likeeins minna etter mor Margit som serverte stølskost og baud fram sitt store utval
av rosamåla ting.
Fausko Gjestegard er tildelt Olavsrosa. Fausko har mottatt fleire nasjonale prisar for
bygdeutvikling og nyskaping. I 2020 vart Knut Fausko tildelt Kulturprisen frå Hemsedal
kommune.
Title
Text
Send forespørsel
Ta kontakt med oss for eit tilbod til ditt arrangement.