Konsertar & Underhaldning

Fauskivalen 2020

Fauskivalen 2020 – eit mellomår.

Fauskivalen er historie! Etter Fauskivalen i 2019 beslutta me på Fausko at nok er nok. Me er stolte av å ha gjennomført ti fine musikkfestivalar.

Om festivalen skal leva vidare krevst det ei ny organisering og drift i ny regi. Fauskivalen 2020 blir eit mellomår i samarbeid med kulturskulen i Hemsedal, Hemsedal sokneråd og Fausko gjestegard. Det blir Ung i Fauskivalen fredag kveld, musikkmesse sundag, og konsertar og folkefest på Amfiet laurdag.

Frå mars 2020 deltek heile samfunnet i dugnaden for avgrensing av koronapandemien. Men det må vera lov å drøyme om sommar og glade tider, og at det skal vera mogeleg å møtast til ein hyggeleg musikkfest på Fauskivalen 2020. Det fortener alle.

Stein Torleif Bjella toppar programmet.

Fram til juni held me på plan A og satsar på at plateaktuelle Stein Torleif Bjella m/band er klar for scenen på Fausko Amfi laurdag 8. august. Med forbehald om at situasjonen elles vil tillate det. Dette blir Bjella sin hovudkonsert på «heimebane» i år. Meir spanande program er under planlegging og vil bli lansert seinare.

Påmelding og meir om Fauskivalen her

Låvekonsertar

Låven på Fausko er nærast som eit lite kulturhus å rekne, eit flott konsertlokale. Tilbakemelding frå ei rekke musikarar stadfestar dette. Dei elskar å halde konsert på Låven. Konstruksjonar og materialar gir naturleg akustikk og fin lyd. Lokalet har plass for mange, men er samstundes intimt og stemingsfullt.

Låvekonsertane på Fauskivalen har vore flotte konsertopplevingar og musikalske høgdepunkt, i tillegg til ei rekkje andre konsertarrangement til ulike årestider. Me ynskjer å vidareføre tilbodet med konsertar på Låven.

Sjå meir frå Låven her

Årestugu

Årestugu på Fausko formidlar ei kjensle av mellomaldersk tid, om korleis våre forefedrar levde og budde i hus utan skorstein og vindauga, med open eld og røykhol i taket. Her byr Fausko på tradisjonsmat, gjerne i kombinasjon med historieforteljing og folkemusikk.

Sjå meir frå Årestugu her

Underhaldning

Knut Fausko er opptatt av å formidle kulturarven gjennom forteljing og musikk, og har mange års erfaring med dette.

Årestugu er ein godt eigna forteljararena, og her får hardingfela låte i sitt rette element. I bryllup får gjester høyre om skikkar i gamle bondebryllup, om spelemannen si sentrale rolle i bryllup. Og her høyrer gjerne Fanitullen med, både i ord tonar.

Knut Fausko byr også på musikalsk underhaldning saman med gode musikkvener. Det kan vera gamaldans med trekkspel og hardingfele, allsang eller swing og ragtime med trekkspel, gitar og bass.

Velkomen til konsertar og underhaldning på Fausko

Send oss en forespørsel, eller kontakt oss her.