Fausko er staden for  minnerike feiringar. Med mange års erfaringar anbefalar me vårt opplegg for helgeopphald med kulinariske og kulturelle opplevingar. Helgestart i Årestugu med gardsmat og heimebrygga øl får gjestene til å senke skuldrane. Verten Knut Fausko byr på hardingfelespel og gode historier.

For ei retteleg feriring høyrer det også med å oppleva den storslåtte Hemsedalsnaturen. Fjelltur kan kombinerast med besøk og stølslunsj på Fauskostølen i Vabuleino 1130 moh. Fjelldagen kan avsluttast med vedfyrte badestampar før festmiddag og festkveld på Låven eller i Gildehallen på Skysstasjonen.